Content on this page requires a newer version of Adobe Flash Player.

Get Adobe Flash player

Յիշատակեցինք կանանց օրը

        08 Մարտ Ուրբաթ, ՆՏԿ Շարժանկարի սրահին մէջ համաշխարհային կանանց օրուայ կապակցութեամբ տեղի ունեցան զրոյցներ:

        Զրոյցները իրականացան երեք տարբեր մակարդակի վրայ, ինչպէս՝ առաջինը տեղի ունեցաւ Ա., Բ. եւ Գ. դասարաններու մասնակցութեամբ, երկրորդ նիստին մաս կազմեցին Դ., Ե. եւ Զ. դասարաններու աշակերտները, իսկ վերջին նիստին հետեւեցան վարժարանիս Է. եւ Ը. դասարաններու աշակերտները:

        Զրոյցը կառուցուած էր որոշ թէմաներու շուրջ, ինչպէս՝ կիներու եւ այրերու միջեւ հաւասարութեան անհրաժեշտութիւնը, ստերեոտիպեր, որոնք անհատները կը դասաւորեն սեռերու համեմատ: Զրոյցները այս նիւթերու շուրջ շարունակուեցան աշակերտներու եւ ուսուցիչներու միջեւ:

        Զրոյցներու պահուն ցուցադրուեցան երկու տեսաերիզներ, որոնց շուրջ աշակերտները յայտնելով իրենց կարծիքները, ջանացին իւրացնել վերոյիշեալ թէմաները:

        Զրոյներու աւարտին, աշակերտներ խմբովին ցուցադրեցին իրենց դասարանային աշխատանքները: