Այցելեցինք Պատրիարքարանի երդիքին տակ Յովհաննէս Թ. Կոլոտ Պատրիարքի անուան թանգարանը
10 Հոկտեմբեր Հինգշաբթի յետմիջօրէին՝ Ե., Զ. եւ Է. դասարաններ այցելեցին Յովհաննէս Թ. Կոլոտ Պատրիարքի անուան թանգարանը, հսկողութեամբ Բրշ. Վաղարշակ Սրկ. Սերովբեանի։ Աշակերտներ հիացումով շրջեցան թանգարանը, անցքերուն եւ սենեակներուն մէջ ցուցադրուած եկեղեցական գոյքերը հետաքրքրութիւն ստեղծեցին իրենց մօտ։Յետ թանգարանի այցելութեան, աշակերտները ընդունուեցան Պատրիարքական Տեղապահ Բարձր. Տ. Սահակ Եպս. Մաշալեանի կողմէ: Աշակերտները Սրբազան Հօր հետ ունեցան հաճելի զրոյցներ, ապա միաբերան երգեցին Կոմիտաս Վարդապետէն երգ մը եւ արտասանեցին Կոմիտաս Վարդապետի յօրինած Տէրունական Աղօթքը յիշատակելով Կոմիտասի ծննդեան 150-ամեակը, մէկնումէն առաջ մի առ մի նուէրներ ստացան Սրբազան Հօրմէ։
Աշակերտները այցելելով նաեւ Ս. Աստուածածին Աթոռանիստ Մայր եկեղեցին ու Որդւոց Որոտման եկեղեցիները գիտելիքներ քաղեցին եկեղեցիներու պատմականներուն մասին։
