Content on this page requires a newer version of Adobe Flash Player.

Get Adobe Flash player

Հայ Մամլոյ Օր

        16 Հոկտեմբեր Հայ մամլոյ օրուայ առիթով առտուան միասին ժամուն տեղեկութիւններ ստացանք հայ մամլոյ պատմութեան եւ ժամանակի ընթացքին անոր ունեցած զարգացման մասին: Խօսեցանք տպագիր ու թուային մամլոյ եւ անոնց տեսակներու մասին: Տեսանք աշխարհի վրայ լոյս տեսած առաջին թերթի օրինակները: Ապա ստացանք տեղեկութիւններ առաջին հայերէն թերթ «Ազդարար»ի մասին, որ ան  հրատակուած էր Հնդկաստանի Մատրաս քաղաքին մէջ: Սորվեցանք հայատառ թրքերէնին իմաստը, որ ժամանակին մանաւանդ միջին արեւելքի երկիրներուն մէջ ընդարձակ տարածութիւն ունէր: Պաստառէն կարդալու ջանացինք հայատառ թրքերէնով գրուած լուր մը: Քարտէսի վրայէն թիւերով ցոյց տուինք 1794-էն սկսեալ աշխարհի վրայ եւ Թուրքիոյ մէջ հայերուն կատարած մամլոյ աշխատութիւնները:
        Ծանօթացան Պոլսոյ մէջ ներկայիս լոյս տեսնող «Ժամանակ» եւ «Մարմարա» օրաթերթերու եւ «Ակօս» շաբաթաթերթի հետ: Օրինակներ տեսան այժմ աշխարհի տարբեր երկիրներուն մէջ արեւելահայերէն կամ արեւմտահայերէն հրատարակուող թերթերէն: Վերջապէս բաղդատեցինք հին շրջաններուն հրատարակուող հայերէն թերթերուն թիւերը այսօրուաններով: