Content on this page requires a newer version of Adobe Flash Player.

Get Adobe Flash player

Karagözyan Okulu 10. Akıl Oyunları Şampiyonası

Գարակէօզեան Վարժարանի Մէջ
Մտախաղերու Միջվարժարանային Ժ. Մրցաշարք
 
        09 Մարտ Շաբաթ օր, վարժարանիս կից՝ Նատիա - Տիգրան Կիւլմէզկիլ Գեղարուեստներու աշխատանոցին մէջ տեղի ունեցաւ Մտախաղերու Միջվարժարանային Ժ. Մրցաշարքը:
Մրցաշարքը իրականացաւ Մտախաղերու հանդէսի եւ Թուրքիոյ Ուղեղի խումբի ձեռնարկութեամբ: Վարժարանիս Տիկնանց կազմն ալ հոգաց սոյն ձեռնարկին բոլոր նիւթական ծախսերը:
Իրենց մասնակցութիւնը բերին 12 քոյր վարժարաններէ 36 աշակերտներ, նաեւ իրենց ուղեցոյց ուսուցիչները՝ Սահակեան Նունեան– Թայիս Աշըճըօղլու, Գալֆաեան– Սիպիլ Ելէկէն, Մէրամէթճեան– Սէլին Տէմիրճիօղլու, Արամեան Ունճեան– Ալին Եաղճըօղլու, Տատեան– Ռամոնա Խորասան, Պէզճեան– Նիրվա Տամլա, Հեղինէ Տիգմէ, Ֆիլիպ Ելէկէն, Լեւոն Վարդուհեան – Կիւլէսէր Անի Միտիլլի, Էսաեան – Մարալ Ինկիլիզեան, Թարգմանչաց– Լոռին Ագշահին, Պօմոնթի Մխիթարեան - Սարօ Պարսամեան, Սամաթիա Անարատ Յղութիւն - Փոլին Փայլան, Գարակէօզեան- Նատին Քասըմօղլու:
 
        Բացման փուլէն ետք, մրցակցութեան ջերմ մթնոլորտի մէջ բոլոր աշակերտները կեդրոնացան մտախաղերուն եւ ստացան հետեւեալ արդիւնքները՝
 
        Անհատական խաղերու մէջ աշակերտները հետեւեալ նիշերը առնելով հանդիսացան առաջին, երկրորդ եւ երրորդ.
 
Աշակերտի Անուն​ Վարժարան​ Առած Նիշը
 
1) Լենա Սարըօղլու​ Մէրամէթճեան Վարժարան​​ 721
2) Ռինա Ագպաշ​ Պէզճեան Մայր Վարժարան​ 619
3) Միլենա Ճուկուրեան Գալֆաեան Վարժարան​ 556
 
        Առնուած նիշերու համաձայն առաջին, երկրորդ եւ երրորդ հանդիսացան հետեւեալ վարժարանները.
 
Վարժարան​ Առած Նիշը
 
1) Մէրամէթճեան Վարժարան​1980
2) Պէզճեան Մայր Վարժարան​1599
3) Գարակէօզեան Վարժարան​1513
 
        Մտախաղերու աւարտին տեղի ունեցաւ մրցանակաբաշխման հանդիսութիւն: Այս փուլին Վարժարանիս Տնօրէնուհին մէկ առ մէկ յանձնեց մասնակից բոլոր վարժարաններուն շքանշաններն ու սէրթիֆիքաները: